Gazeta Si - Kilian Mbape nuk duhet të largohet nga PSG-ja dhe nga Franca. Sulmuesi ka refuzuar disa herë rinovimin, por drejtuesit e klubit parisien nuk duan në asnjë mënyrë ta humbasin bomberin më profilik dhe më të talentuar të momentit.
Për të bindur futbollistin të qëndrojë ka hyrë në lojë edhe presidenti i Francës, Emanuel Makron. Sipas shtypit sportiv francez, Makron ka zbritur në ‘fushë’ dhe po mundohet të ndikojë në vendimin përfundimtar të Kilian Mbape sa i takon të ardhmes së tij.
Kontrata e sulmuesit me PSG-në përfundon në fund të qershorit dhe përpjekjet për rinovim kanë rezultuar të dështuara deri tani. Duke parë si ka shkuar situata, vetë Mbape duket se e ka ndarë mendjen për të kaluar te Real Madrid, madje në Spanjë e bëjnë fakt të kryer prezantimin e tij me fanellën e bardhë që në muajin maj.
Megjithatë, asgjë nuk mund të konsiderohet e sigurt dhe aq më tepër kur në lojë futet edhe politika.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.