.png)
Armando Broja është xhevahiri i ri që po prodhon futbolli shqiptar. Pjesë e ekipeve të moshave të Shqipërisë deri më tani, Broja ka treguar veten e tij në disa ndeshje me kuqezinjtë, duke i djegur shumë shpejt etapat dhe shumë shpejt pritet të jetë pjesë e ekipit A. Sulmuesi 18-vjeçar shënoi golin e parë për Çelsin në ndeshjen kundër Brajton në Premier Ligën e të rinjve.
Broja e nisi titullar këtë ndeshje dhe nga mediet britanike përshkruhet si një i ri premtues. Për gjatë gjithë lojës Broja ishte protagonist në këtë ndeshje dhe goli në minutën e 48’ ishte qershia mbi tortë. Vetëm 18 vjeç Broja shpreson që pas këtij sezoni të mirë me të rinjtë e Çelsit sezonin e ardhshëm të bëjë hapin e madh në karrierë për të kaluar në ekipin e parë.
Por kjo fundjavë perfekte për Brojën është "prishur" nga një tjetër shqiptar. Ishte pikërisht Lorent Tola, i cili shënoi golin e barazimit për Brajton. I futur në pjesën e dytë, Tola çoi ndeshjen në barazim dhe shpërblyer paratë e këtij ekipi që këtë verë e mori atë nga Sioni në Zvicër. Tola në dallim nga Broja nuk është pjesë e ekipeve zinxhir të Kombëtares, por deri më tani ka luajtur me U-17 dhe U-18 të Zvicrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
