.png)
Vetëdorëzohet në polici biznesmeni i shpallur në kërkim për ngjarjen në ish-Bllok, Ervin Mata. Ai është vetë dorëzuar mbrëmjen e djeshme në Policinë e Tiranës.
Mata ndodhej prej rreth 4 muajsh në kërkim, ndërsa ende nuk dihet në çfarë kushtesh e ka ndërmarrë një veprim të tillë.
Ervin Mata, u përfshi në konfliktin me armë të ndodhur në 5 tetor të vitit të kaluar në një lokal në ish-Bllok.
Si pasojë e këtij konflikti mbeti i vrarë Fabiol Gaxha dhe u plagosën 36 vjeçari Ervis Martinaj dhe Eljon Hato, 28 vjeç.
Gaxha u qëllua për vdekje nga komandoja Mervjol Bilo si pasojë e një përplasje me armë mes grupit të Ervis Martinajt dhe atij të Ervin Matës.
Fillimisht, pati dyshime se konflikti erdhi si pasojë e një ngacmimi që i ishte bërë të fejuarës së Matës, këngëtares së njohur Elvana Gjata, por hetimet vazhduan edhe për motive që kishin të bënin për prishje të pazareve të drogës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
