Dhjetëra familje në Manzë dhe në zonat përqark saj jetojnë ende në çadra, si pasojë e tërmetit të 26 nëntorit.
Kryetari i PD-së, Lulzim Basha, ishte sot tek disa prej këtyre familjeve, ku një prej tyre kishte një mesazh jo vetëm për qeverinë, por edhe për të.
“Duhet të kishe dalë më parë në popull, je me shumë vonesë për shumë gjëra, ti edhe ata që të rrethojnë ty. Duhet të jesh më afër me popullin", i tha banori i dëmtuar nga tërmeti.
“Me ardhjen e pandemisë u bë më vështirë për të ardhur..., por kam ndjekur çdo çështje nga larg", reagoi Basha.
Pas takimeve të zhvilluara, kryetari i PD-së nënvizoi se, “shqiptarët meritojnë një qeveri të përgjegjshme që punon për ta”.
“Askush në Shqipëri nuk duhet të jetojë në çadra apo të llogarisë bukën e gojës. Vëmendja jonë kryesore do të jenë qytetarët, hallet dhe shqetësimet e tyre të përditshme. Kjo është detyra e çdo qeverie normale, dhe shqiptarët meritojnë dhe do të kenë një qeveri serioze, që vë në plan të parë shëndetin dhe mirëqenien e tyre”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.