.png)
Gazeta Si - Roberto Mançini e ka shijuar fitoren e Italisë së tij në Hungari, që e kualifikon për në ‘Final Four’ të Ligës së Kombeve. Megjithatë, ai ka pranuar se 2 fitoret e fundit nuk mjaftojnë për të fshirë shijen e hidhur të mungesës në Botërorin e Katarit.
"Është e rëndësishme që kemi arritur këtë rezultat, por për fat të keq mbetet keqardhja për Botërorin, - shprehet trajneri italian. – Treguam se jemni në gjendje të ngremë në këmbë një grup. Djemtë kanë vlera dhe duhet punuar për të lënë pas shijen e keqe të mungesës në Kupën e Botës".
Mançini bëri edhe një analizë të shkurtër të ndeshjes kundër Hungarisë: "Bëmë shumë mirë për 70 minuta, kurse 20 të fundit nuk më pëlqyen. Jam i kënaqur në përgjithësi, por kur je në avantazh 2-0 duhet ta kesh ndeshjen në kontroll. U shthurëm pak dhe kjo gjë nuk më pëlqen".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
