.png)
Në një vizitë në spitalin Covid 3, Ministrja e Shëndetësisë dhe Mbrojtjes Socialen deklaroi se ka filluar rekrutimi i stafit infermieror, i cili po merr eksperiencë në Spitalin Infektiv.
“Jemi duke u përgatitur për të pasur burime njerëzore të nevojshme për strukturën e spitalit COVID3, pra ish-kirurgjitë dhe për spitalin COVID4 që është në aksin Tiranë-Durrës. Ka filluar rekrutimi dhe trajnimi i stafit. QSUT-së i janë shtuar 50 punonjës, një pjesë tashmë janë rekturuar dhe një pjesë janë në rekrutim e sipër. Do të kryejnë dhe trajnimet e nevojshme dhe do të kombinohen me stafe të tjera me eksperiencë”, tha Manastirliu, gjatë inspektimit të spitalit COVID3.
Ndërsa përgjegjësi për burimet njerëzore për situatën e epidemisë, prof. Arben Gjata deklaroi se ka një plan të detajuar edhe për përfshirjen e vullnetarëve në kapacitetet e burimeve njerëzore
“Do të aktivizohen të gjithë stazhierët e disa specialiteteve, duke i kombinuar me mjekë me eksperiencë nga shërbime të tjera, në shërbimet për pacientët COVID”, tha Gjata.
Më tej Manastirliu shtoi se janë duke u trajnuar mjekë dhe infermierë gjithashtu po pritet një plan veprimi për periudhën vjeshtë-dimër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
