.png)
Në fjalën e saj në kuvend Ministrja e Shëndetësisë, Ogerta Manastirliu u shpreh se do të financohen 4 milion dollarë për vaksinat anti-Covid dhe fillimisht do të vaksinohet 20% e popullsisë, ku do të jenë pjesë personat e riskuar.
Përmes marrëveshjes që do të ratifikohet në Kuvend me Aleancën Gavi, vaksina do të mbërrijë në vendin tonë do të jetë e disponueshme.
“Ne me aktin që miratojmë sot, i cili do të bëhet një ligj, japim mundësi që në momentin që vaksina të jetë efektive dhe e sigurt të fillojmë të vaksinojmë grupet e riskuara, 20 % të popullatës. Do të jenë 1 milion e 140 mijë doza vaksine, të cilat do të prokurohen nëpërmjet kësaj marrëveshje”, tha Manastirliu.
Gjatë fjalës së saj Manastirliu tha se kërkohet që të gjithë të rezistojmë, që sistemi shëndetësor të mos mbingarkohet dhe të gjithë së bashku t’i rikthehemi normalitetit. Ministrja e Shëndetësisë u shpreh se na presin 4 muaj të vështirë dhe apeloi për respektimin e masave të vendosura.
“Do të jenë 4 muaj të vështirë, do duhet të përgatitemi, të jetojmë në këtë normalitet të ri, të mundemi të vetëdijesohemi aq shumë për situatën sa të kemi mundësi të heqim dorë edhe nga ato takimet e shumta familjare që mund të bëjmë, sepse është një mundësi më shumë për të shtuar kontaktet, një mundësi më shumë për të përhapur virusin”, apeloi Manastirliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
