.png)
Ministrja e Shëndetësisë Ogerta Manastirliu tha se punonjësit e administratës që do të dhurojnë gjak do të shpërblehen me dy ditë pushim të paguar nga shteti.
Manastirliu theksoi se objekt i vendimit të ri të miratuar këtë të premte janë punonjësit e administratës, të cilët dhurojnë vullnetarisht gjak.
Sipas vendimit, do të caktohet një kalendar i posaçëm për këta punonjës.
Ndërkohë çdokush që dhuron tre herë apo më shumë gjak në vit nga qytetarët, do të ketë mundësi që të bëjë një javë pushime në shtëpitë e pushimit që administrohen nga shteti.
Manastirliu shtoi se ka pasur shumë punonjës që dhurojnë gjak, por tashmë kjo do të bëhet më e organizuar, duke caktuar edhe një kalendar për dhuruesit vullnetarë.
Në këtë mënyrë, ministrja shtoi se në periudhat në vazhdim Shqipëria mendohet të arrijë nivelet 20 dhurues për 1 mijë banorë nga pak më shumë se 12 që është tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
