Gazeta Si - Luiza Gega ka zënë vend të dytë sot në garën e 5 kilometrave rrugë të zhvilluar në Trevizo të Italisë. Një event tradicional dhe i rëndësishëm për atletikën ndërkombëtare, ku veç Gegës kanë marrë pjesë edhe shumë sportistë të tjerë me emër.
Vendin e parë e zuri italiania Ludovika Kavali, kampione e shumëfishtë në vendin fqinj për garat e mesme dhe të gjata. Shtypi sportiv italian i ka bërë jehonë faktit që ajo doli para Luiza Gegës, fituese e medaljes së artë në Europian (3000 metra me pengesa) dhe e kosnideruar favorite para garës.
Gega dhe Kavali janë alternuar në krye gjatë garës, ndërsa e para e kaloi finishin atletja italiane. Vendin e tretë e zuri hungarezja Viktoria Vagner-Gyurkes.
“Gega është një atlete e jashtëzakonshme, - tha Kavali pas garës, - e admiroj shumë. Kam bërë një garë të mirë dhe mbështetja e publikut ishte fantastike. Është një fitore e rëndësishme”. Kavali regjistroi kohën 15:35, kurse Gega kohën 15:37.
Për atleten shqiptare gjithsesi është një rezultat i mirë, aq më tepër po të kemi parasysh faktin që gara u zhvilluar në një mot me shi. Luiza Gega do të kthehet në pistë më datë 2 qershor, në ‘Diamond League’, në garën e saj të preferuar 3000 metra me pengesa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.