Një rekord i pazakontë për atleten Luiza Gega. Specialistja e 3 mijë metrave me pengesa, që shpesh ka përmirësuar kohën e saj, këtë herë ka shkëlqyer në 10 mijë metra në Europianin që po zhvillohet në Birmingham. Gega zuri vendin e 6-të në këtë aktivitet, ku regjistroi kohën 32 minuta, 16 sekonda dhe e 08 të qindtat, një rekord kombëtar ky për këtë garë. Rekordi i mëparshëm ishte 32.31.67.
“Rekord kombëtar në Kampionatin Europian të garës 10.000 metra, e cila u zhvillua në Birmingham, me kohën 32.16.08, dhe vendi i 6-të nga 55 vajza që garuam. Hera e parë që përfaqësoj Shqipërinë në një kampionat të tillë dhe jam shumë e lumtur që mes 55 vajzave arrita të pozicionohem e 6-ta.
Duhet ta theksoj që nuk jam stërvitur për një distancë kaq të gjatë, pasi fokusi im vazhdon të jetë në garën e 3000 metrave me pengesa, ku do të marr pjesë në Lojërat Olmpike të Tokios. Ishte një test i mirë fizik dhe psikologjik ky aktivitet”, - shkruan Gega në profiling e saj në Facebook.
Luiza Gega është një nga sportistet shqiptare që do të marrë pjesë në Olimpiadën e Tokios dhe prej saj pritet një rezultat i mirë në 3 mijë metra me pengesa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.