Atletja Luiza Gega është shpallur sportistja më e mirë e Kupës së Shqipërisë në atletikë, që është zhvilluar në stadiumin “Elbasan Arena”, ku sportistët kanë garuar në 16 disiplina të ndryshme. Gega mori 1169 pikë olimpike dhe rezultati i saj është normë olimpike, siç pohon vetë sportistja, që në fakt është kualifikuar për në Olimpiadë.
“9.29“. Ky rezultat bëri që të shpallem sportistja më e mirë e Kupës së Shqipërisë, me 1169 pikë olimpike. Bashkë me trajnerin Taulant Stërmasi vendosëm të bëjmë një garë testuese përpara grumbullimit në Dardhë, jam shumë e kënaqur me rezultatin, pasi vrapova totalisht vetëm, rezultati është normë Olimpike dhe pse unë kam kohë që jam kualifikuar për në Tokio. Mezi pres të filloj garat muajin tjetër. Gara e parë që kam konfirmuar do të jetë “Doha Diamond League”, më 28 maj”, - shkruan Gega në faqen e saj në Facebook.
Në këtë aktivitet ka marrë pjesë edhe atleti tjetër elitar, Izmir Smajlaj. Këtë herë ai ka kërcyer 8.02 metra, duke merituar trofeun e kupës. Ekipet kampionë të Kupës së Shqipërisë u shpallën Vllaznia për meshkuj dhe Tirana për femra. Një rekord kombëtar U-18 ishte ai i korçares Elisa Myrtollari, e cila në 100 metra regjistroi kohën 12:40.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.