E jashtëzakonshme Luiza Gega. Në finalen e Botërorit të Atletikës në salla të mbyllura që po zhvillohet në Katar, atletja shqiptare ka vendosur një rekord kombëtar në garën e 3000 metrave me pengesa. Ishte një pjesëmarrje historike e Gegës në një finale Botërori dhe ajo nuk e ka lënë shansin t’i ikë nga duart. Luiza ka zënë vendin e 9-të dhe kjo mund të konsiderohet arritje për këtë atlete.
Vendin e parë e ka zënë atletja nga Kenia, Beatris Çepkoeç. Luiza Gega ka bërë një garë të kujdesshme, pasi e kishte të qartë se nuk mund të arrinte në podium, duke ditur rivalet e saj. Gega regjistroi kohën 9 minuta, 19 sekonda e 93 të qindta, duke përmirësuar rekordin e saj. Vend i nëntë dhe atletja shqiptare meriton vetëm përgëzime, sepse nuk është pak. Luiza Gega përmirëson vazhdimit rekordin e saj kombëtar dhe duket se do të na surprizojë sërish.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.