.png)
Gazeta Si – Atletja Luiza Gega ka arritur një tjetër rezultat të madh në eventin “Semi Marathon”, që u zhvillua në Francë, në qytetin e Lilës. Ajo ka vendosur rekord kombëtar në garën e 5 kilometrave rrugë, ku arriti kohën 15:16.
Gega përmirëson kështu me 23 sekonda rekordin e mëparshëm (15:39). Kampionja kuqezi zuri vendin e 7-të në Lilë. Duhet theksuar se rezultati i saj ishte më i miri për atletet europiane.
Në aktivitetin në fjalë kanë marrë pjesë atletet më të mira të botës dhe vendin e parë e zuri Karoline Najaga nga Kenia, me kohën 14:35. Më pas u renditën etiopiania Mekedis Abebe dhe keniania tjetër Doris Lengole Çerop.
Për Luiza Gegën ishte një garë, ku ajo tregoi formën e saj të mirë që ruan prej vitesh. Tashmë janë 12 rekorde kombëtare të arritura prej saj në disa disiplina të atletikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
