Gazeta Si – Luiza Gega është një nga katër kandidatet për çmimin ‘Atletja e muajit’. Federata Europiane e Etletikës ka përzgjedhur atë, holandezen Femke Bol, gjermanen Gina Luckenkemper dhe greken Antigoni Ntrismpioti për këtë çmim, që vendoset nga votat.
Këto katër atlete kanë fituar në total 8 medalje në Europianin e Mynihut. Gega fitoi medaljen e artë në garën e 3000 metrave me pengesa, duke shënuar një sukses historik për atletikën shqiptare.
Votimi në faqen e Federatës Europiane është i hapur deri ditën e enjte. Çmimi është simbolik, por do të ishte sërish një sekses për atleten kuqezi, nëse shpallet më e mira.
Gega e ka fituar këtë çmim në janar të vitit 2020. Ajo është një kandidate e fortë edhe këtë herë, por duhet thënë se rivaliteti është vërtet i madh. Verdikti i votimit do të mësohet ditën e enjte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.