Gazeta Si – Luiza Gega fiton çdo garë që i del përpara. Atletja jonë më e mirë ka fituar sot medaljen e 3-të të artë në Kampionatin Ballkanik, që po zhvillohet në Serbi, në Krajlevo.
Gega triumfoi sot në garën e 5000 metrave, ku regjistroi kohën 16:07.93. Sportistja jonë ishte e shkëputur nga rivalet e saj, dy atletet turke Sumeye Erol(16:43.95) dhe Burcu Subatan(17:01.77).
Luiza Gega shkëlqeu në Ballkanik që në ditën e parë, ku fitoi dy medaljet e tjera të arta, të parën në 3000 metra me pengesa dhe të dytën në 3000 metra. Me kohën e arritur në specialitetin e saj, 3000 metra me pengesa, ajo siguroi të drejtën për të qenë në Olimpiadën e ‘Paris 2024’.
Kjo paraqitje e fut Gegën në historinë e Ballkanikut, ku askush më parë nuk ka mundur të fitojë 3 medalje të arta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.