Luiza Gega do të paguhet me dyfishin e pagës deri në muajin gusht të vitit të ardhshëm. Atletja e garave të gjata po përgatitet për Lojërat Olimpike “Tokio 2020” dhe Komiteti Ekzekutiv i KOKSH-it në një takim të fundit ka vendosur që kjo sportiste elitare të ketë një trajtim më të mirë financiar.
Gjatë takimit, ku merrnin pjesë edhe drejtuesit e Federatës Shqiptare të Atletikës, atletaj Luiza Gega dhe trajneri i saj Taulant Stërmasi, KOKSH-i mori vendosi që sportistja të paguhet 1800 dollarë në muaj nga 900 që merrte më parë. “Me vendim të Komitetit Ekzekutiv të KOKSH-it, sportistes Luiza Gega tashmë do t’i dyfishohet shuma e mbështetjes financiare nga 900 dollarë në 1800 dollarë në muaj. Një financim nga fondi i KOKSH-it për periudhën dhjetor 2019-gusht 2020”, - shkruhet në njoftimin e publikuar në faqen zyrtare të KOKSH-it.
![](https://gazetasi.al/wp-content/uploads/2019/11/gega-gara.jpg)
Rezultatet e Luiza Gegës kanë qenë gjithmonë në rritje kohët e fundit. Ajo është kualifikuar me pikë për në Lojërat Olimpike “Tokio 2020” në disiplinën e 3000 metrave me pengesa. Në Botërorin e Atletikës në salla të mbyllura që u zhvillua në Katar në fund të muajit shtator, Gega arriti edhe një rekord kombëtar në këtë disiplinë, me kohën 9 minuta, 19 sekonda dhe 93 të qindtat. Në këtë aktivitet, atletja zuri vendin e 9-të dhe kjo është një arritje për atletikën shqiptare. Tani Gega synon suksesin e radhës në Lojërat Olimpike. Motivimi është edhe më i madh, pas trajtimit më të mirë financiar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.