Gazeta Si – Trajneri gjerman i Liverpulit, Jurgen Klop, ka bërë pak ironi pas fitores 1-7 të të tijve në Gllasgou. Prej kohësh skuadrës së tij i mungonte fitorja jashtë fushe dhe kështu gjermani nuk ka pirë birra për shkak të mungesës së suksesit në transfertë.
Pas fitores së fundit, anglezët janë në rrugën e duhur drejt kualifikimit në Champions. Vëmendjen e ka marrë fakti se Liverpuli ka prishur ‘agjerimin’ jashtë fushe dhe për këtë Jurgen Klop në konferencë shtypi bëri edhe batutën simpatike.
“Kjo fitore ndryshon sigurisht edhe qasjen që do të kemi ndaj Mançester Sitit në fundjavë, edhe pse e di shumë mirë që do të jetë tjetër histori. Fitorja e munguar në transfertë? Eh, zakonisht pas ndeshjeve pimë ndonjë birrë, por këtë herë besoj se do jem i dehur që pas së parës.
Tani presim në ‘Anfield’ skuadrën më të fortë në botë për momentin. E dimë që nuk do të jetë e lehtë dhe duhet të punojmë shumë, por sigurisht që është më mirë ta përballojmë me humorin që kemi tani", - ka thënë Klop.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.