Shqipëria mbyll me sfidën ndaj Francës kualifikueset Euro2020, por hap kapitullin e ndeshjeve në një impiant bashkëkohor.
“Air Albania Stadium” u përurua nga një ceremoni e shkurtër përpara.
Drejtimi i saj i ishte lënë Ardit Gjebreas dhe në fushën e blertë përformuan edhe këngëtarët më në zë të muzikës shqiptare. Para tifozëve doli Era Istrefi me këngën zyrtare të Kupës së Botës, “Live it up”.
Flori Mumajesi kendoi këngën “Kuqezi je ti”. Kënga e tretë, “Xhamadani vija vija” u interpretua nga Aurela Gaçe, ndërsa Himni Kombëtar i Shqipërisë nga Juliana Pasha.
“La Marseillaise”, Himni i Francës i ishte besuar Besa Kokëdhimës.
Ndërkohë Kryeministri Edi Rama në fjalën e tij në ceremoninë e inaugurimit të stadiumit “Air Albania Stadium” tha se e ka pritur këtë moment prej vitesh.
“E kam ëndërruar shumë gjatë. E gjithë kjo nuk do ishte e mundur pa disa të tjerë. Ne kemi bërë më shumë se një stadium fantastik. Stadiumi u përket sportistëve, turistëve, monument i hartës turistike të Tiranës. Koha do të flasë vetë për stadiumin, nuk dua ta zgjas më tej”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.