Debati për listat e hapura dhe koalicionet parazgjedhore mbyllet në fillim të muajit tetor.
Konferenca e kryetarëve ka vendosur që të kalojë reflektimet në Kod të ndryshimeve kushtetuese në seancën plenare të fillim tetorit.
Deri më 30 shtator është afati i fundit i Këshillit Politik për të reflektuar këto ndryshime, që më gjasë pritet të miratohen në mënyrë të njëanshme nga Kuvendi, sa kohe që nuk ka konsensus dhe për këtë proces komisioni i Ligjeve ka ngritur edhe një grup të posaçëm pune.
Partia Socialiste ka depozituar një draft sipas saj për hapjen 100% të listave. Paralelisht me këtë draft është edhe ai i grupimit opozitar i depozituar nga Rudina Hajdari e cila ka një koncept tjetër për mënyrën se si duhet të hapen listat. Ajo ka depozituar në Kuvend një kopje të draftit për tu shqyrtuar në komisionin e Ligjeve.
Damian Gjiknuri ka paralajmëruar gjithashtu se me apo pa opozitën jashtëparlamentare, brenda afatit ndryshimet kushtetuese do të reflektohen në Kodin Zgjedhor për të mos lënë vakum.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.