Nëse nuk ka konsensus deri në fund të shtatorit për listat dhe koalicionet, Kuvendi do të kalojë në mënyrë të njëanshme të gjitha ndryshimet e propozuara nga PS.
Ndryshimet në Kod që reflektojnë prekjen e Kushtetutës pritet të votohen në seancën plenare të 1 Tetorit, me apo pa marrëveshje.
Gjasat për të gjetur një zgjidhje janë të pakta, aq sa edhe vetë zyrtarët e lartë demokratë po pranojnë të shkojnë në zgjedhje me rregulla të njëanshme, me bindjen e shprehur se, “Rama do të humbasë”.
“Me lista të hapura, pa lista të hapura, me koalicione, pa koalicione, çdo formë që të tentojë të përdorë ai (Rama) është i humbur. E kanë zhytur në gropë dhe nuk del sikur të hidhet përpjetë”, tha nënkryetari i PD-së, Edi Paloka.
Më tej ai shtoi: “Ky njeri, kryetari i OSBE-së që pretendon se do të zgjidhë mosmarrëveshjet e Lukashenkos me opozitën e tij, nuk pranon jo të zgjidhë problemet që ka me opozitën shqiptare, por nuk i qëndron një marrëveshje që ka nënshkruar vetë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.