.png)
Ambasadori i Britanisë së Madhe në Shqipëri, Duncan Norman, nuk ka ndonjë ide konkrete nëse listat e hapura do të ishin ose një obsion për Shqipërinë, por e ka të qartë rrugën që duhet të ndiqet për çdo ndryshim që ka lidhje me zgjedhjet; konsensusi.
“Reforma elektorale është një çështje e nxehtë dhe diçka që ne e shohim me rëndësi dhe do donim që të implementohet në mënyrën e duhur. Nuk kam një ide të saktë se cila do të ishte mënyra e duhur, çdo vend ka sistemet e veta politike dhe çdo sistem bëhet mirë funksional nëse ka vullnet politik”, tha ambasadori Norman.
Në një prononcnim për mediat, ai sjell si shembull marrëveshjen e 5 qershorit, për të treguar se rruga duhet të jetë e njëjtë për vijimësinë e reformës zgjedhore.
“Ne ishim mbështetës të fuqishëm të reformës dhe ndryshimeve që u bënë në 5 qershor, një marrëveshje që u firmos nga të gjitha palët dhe vazhdon të qëndrojë dhe nuk duhet të ndryshojë ajo marrëveshje që u bë në 5 qershor.
Nëse do të kishte vazhdimësi të reformës duhet të bëhen në mënyrë sa me transparente dhe të jenë në përputhshmëri edhe me konsensusin e duhur.
Eshte detyrë e Këshillit Politik për të gjetur një mënyrë funksionale dhe të gjejë një konsensus të përbashkët. Mendoj se kjo është e mundur.
Besoj realisht që nëse ekziston vullneti politik Shqipëria do mund të ketë zgjedhje të lira dhe të ndershme”, tha ambasadori britanik
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
