Gazeta Si - Lionel Mesi nuk është mësuar ta vërshëllejnë, siç ndodhi në ndeshjen e fundit të PSG-së në kampionat ndaj Bordosë, ku ai dhe Nejmar nuk u pritën mirë nga tifozët. Këta të fundit kanë reaguar ashpër ndaj lojtarëve dhe drejtuesve, pas eliminimit në Ligën e Kampionëve.
Argjentinasi duket i lodhur me situatën në Paris dhe në Spanjë shkruajnë me bindje se ai do të kthehet te Barcelona pas një sezoni. Ky lajm i bujshëm vjen nga Gerard Romero, i cili shpjegon se orët e fundit ka pasur kontakte nga klubi katalanas me babanë e Mesit, Jorge Mesi, i cili është edhe menaxheri i lojtarit.
Babai i “Pleshtit” ka folur disa ditë më parë me drejtursit e Barcelonës për rikthimin në “shtëpi” të Mesit. Pasi la Barcelonën me parametra zero disa muaj më parë, shtatë herë fituesi i “Topit të Artë” duket i bezdisur nga eksperienca franceze, sidomos tani, pas eliminimit nga Liga e Kampionëve.
Sipas shtypit spanjoll, drejtuesit e PSG-së nuk duan ta lejojnë Mesin të largohet, por tifozët nuk e duan argjentinasin dhe ata kanë një peshë të madhe në vendimin përfundimtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.