.png)
Gazeta Si – Shqipëria në futboll për femra luajti sot në ‘Loro Boriçi’ ndeshjen e radhës ndaj Irlandës, ku humbi 0-1. Ishte ndeshja e 4-t në Grupin B1 të Ligës së Kombeve dhe vajzat kuqezi ishin shumë pranë barazimit. Vetëm 2 minuta para fundit irlandezet shënuan golin e fitores.
Kombëtarja jonë, e drejtuar nga trajneri Armir Grima, e nisi ndeshjen me këtë formacion: Rexhepi, Tukaj, Maliqi, Hila, Gjini, Franja, Berisha, Doçi, Krasniqi, Hamidi dhe Maksuti.
Shqipëria pati një mundësi të mirë me Mimoza Hamidin, e cila u bllokua në momentin e fundit nga mbrojtja irlandeze. Nga vajzat kuqezi pati pretendime për një penallti për prekje të topit me dorë në zonë nga Quinn e Irlandës, por arbitrja Saribekyan vazhdoi lojën.
Pjesa e dytë e ndeshjes u luajt nën reshjet e dendura të shiut, amdje rifillimi i kësaj pjese u shty për një orë nga UEFA. Reshjet pushuan dhe gjendja e fushës u normalizua për vazhdimin e lojës. Irlandezet ishin më kërkuese, Rexhepi bëri dy pritje, por në minutën e 88-të do të dorëzohej, teksa Sulivan shënoi nga afër portës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
