.png)
Gazeta Si – Në Nion u hodh sot shorti i fazës së ‘play-off’-it të Ligës së Kampioneve në futboll për femra, ku merr pjesë edhe Vllaznia. Shkodranet do të përballen me ekipin ukrainas të Vorskla Kharkiv-2.
Vllaznia eliminoi në turin e parë Spartak Mijavën, kurse ukrainaset mundën Lanchkhuti dhe Bilk-Shymkent. Tani përplasen mes tyre në ‘play-off’.
Ndeshja e parë mes Vllaznisë dhe ekipit ukrainas do të luhet më 20 ose 21 shtator, ndërsa e kthimit një javë më pas në stadiumin “Loro Boriçi” të Shkodrës. Për ndeshjen e parë nuk është përcaktuar ende fusha, për shkak të gjendjes që po kalon Ukraina.
Vllaznia ishte e favorizuar në short. Ajo bënte pjesë në vazon e pare, pasi ka koeficient të lartë në renditje, madje më mirë se skuadra me emër si Roma dhe Benfika.
Shkodranet synojnë të kalojnë në fazën e grupeve të Ligës së Kampioneve, që do të ishte historike për futbollin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
