"Një asteroid i madh mund të shkatërrojë qytetin e Nju Jorkut". Kjo ishte fjalia e parë që nisi një tjetër leksion nga NASA për studentët e astronomisë. Synimi i këtij leksioni ishte të zbulonte se si do të reagonin ata dhe çfarë do të ndodhte nëse një asteroid prej të paktën 300 milimetrash do të përplasej me Tokën. Ky simulim filloi që kur shkencëtarët zbuluan se përreth planetit tonë ka rreth 25.000 asteroide. Ata janë shprehur se forca e tyre është e mjaftueshme për të shfarosur pjesën më të madhe të qytetit të Mahnatanit. Ndër të tjera NASA është shprehur se nevojiten më shumë para për të kryer kërkime të tjera të nevojshme.
Ky është leksioni i dytë ndërkombëtar i mbajtur nga NASA. Në një provë tjetër më parë shkencëtarët treguan se një ndër mënyrat më të mira se si mund të shpëtojmë nga ky fenomen, është ndryshimi i drejtimit të asteroidit. Ata kanë verifikuar se nëse e ndryshojnë drejtimin e asteroidit me vetëm disa centimetra, do të mjaftonte që ai të mos përplasej me Tokën. Por kjo është një ide që ende nuk është provuar aq sa duhet dhe është shumë e kushtueshme.
Administratori i NASA-s Jim Bridenstine asokohe pranoi se këto ide mund të dukeshin të çuditshme dhe ndoshta joshkencore, por sipas tij, ideja se do të shpëtohen mijëra njerëz në Tokë është më e vlefshme se gjithçka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.