.png)
Gjykata e Apelit për Krimet e Rënda lë në fuqi vendimin e Gjykatës së Tiranës për të pandehurit e dosjes “Lazarati 2”.
Vendimi është shoqëruar dhe me incidente jashtë seancës gjyqësore, ku familjarët kanë kërcënuar gazetarët.
Gjykata e Apelit vendosi të dënojë me burg përjetë Arbion Alikon, dhe Borjan Boçian. Gjithashtu, pretenca ka kërkuar 153 vite burg për 9 të akuzuarit e tjerë.
Elvis Boçia 35 vite
Xhulio Malo 10 vite
Albion Aliko 17.6 vite
Elson Kazma 17.6 vite
Klodian Selimi 13 vite
Oltion Proko 9 vite
Dervish Çoko 18 vite
Rohan Hirja 18 vite
Iliaz Xhaferaj 15 vite
Pak pasi Apeli la në fuqi vendimin për dosjen “Lazarati2”, vjen reagimi nga avokati mbrojtës.
Avokati Bashkim Nikolla është shprehur se të pandehurit janë bërë koka turku, pasi sipas tij vrasësi i efektivit të RENEA Ibrahim Basha, është i lirë. Po ashtu, ai tha se familjarët do t’i drejtohen Gjykatës së Lartë.
“Do i drejtohemi Gjykatës së Lartë. Apeli s’na dha as gjykimin e shkurtuar. Një e drejtë e fituar nuk është e drejtë e mohuar, humbëm të drejtën e gjykimit të shkurtuar. Ngjarja nuk është hetuar dhe s’është marrë vendimi të hetohet për vrasjen e Bashës. Asnjë hetim, asnjë pyetje, asgjë. Nuk është vonë që çështja të kthehet. Dhuna nuk duhej të ndodhte, por psikologjikishit kanë qenë shumë rëndë. 11 koka turku, vrasësi i Ibrahim Bashës është ende i lirë”, është shprehur avokati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
