Është ndarë sot nga jeta në moshën 83-vjeçare Robert Jashari, një emër i madh i futbollit shqiptar, i Kombëtares dhe Partizanit të viteve ’60-70.
Jashari është një nga figurat më të shquara të futbollit shqiptar, ku ka lënë gjurmë të paharruara me fanellën e kuqe të Partizanit, por edhe me Kombëtaren. Ai është shpallur 7 herë kampion i Shqipërisë me Partizanin. Po ashtu, Robert Jashari kujtohet për golin historik që i ka shënuar Irlandës së të famshmit Xhorxh Best.
Tre kampionate radhazi, nga viti 1962 e deri në vitin 1965, Jashari është shpallur golashënuesi më i mirë i kampionatit shqiptar. Ka qenë pjesë e Partizanit të lavdishëm, që fitoi medalje argjendi në Lajpcig në vitin 1958 dhe në Hanoi në vitin 1963.
Pas karrierës 15-vjeçare si futbollit, Jashari ka qenë edhe trajner i Partizanit. Klubi i kuq, pas lajmit të trishtë ka bërë një postim në faqen zyrtare, ku shpreh ngushëllimet për këtë humbje të madhe. Po ashtu, edhe presidenti i FSHF-së, Armand Duka, ka bërë një postim ngushëllues për figurën e Jasharit.
Largohet nga kjo jetë edhe një tjetër ikonë e futbollit shqiptar vetëm pak ditë pas asaj të Ramazan Rragamit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.