Gazeta Si - Juventusi dhe Franca mund të buzëqeshin. Sipas ‘L'Equipe’, Pol Pogba po rikuperohet shpejt pas operacionit në gjurin e djathtë, të cilit iu nënshtrua në shtator. E përditshmja franceze bën me dije se mesfushori do të jetë i disponueshëm në Katar 2022.
Maksimumi brenda një muaji lojtari do të kthehet në fushë, duke qenë fillimisht gati për Masimiliano Alegrin dhe pastaj për Didier Deshamp, trajnerët e Juventusit dhe Francës.
Do të ishte një rikthim shumë i rëndësishëm për Juventusin, që po ecën shumë keq këtë sezon. Por edhe për Deshamp është lajm shumë i mirë, duke ditur që nuk do të ketë në Botëror një tjetër kampion bote, si Kante.
Pas dëmtimit në tendinën e gjurit javën e kaluar në stërvitje, mesfushori i Çelsit ka qenë i detyruar të heqë dorë nga Botërori, siç konfirmon gazeta franceze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.