Nga Gazeta 'Si'-I dërguari i posaçëm i BE-së për Dialogun Kosovë-Serbi, Miroslav Lajçak do të zhvillojë një vizitë në Beograd dhe Prishtinë më 21 tetor.
Në këtë vizitë do të jenë edhe këshilltarët për politikë të jashtme dhe siguri të presidentit francez, kancelarit gjerman dhe kryeministrit italian; Emmanuel Bonn, Jens Plettner dhe Francesca Tal.
I pranishëm do të jetë edhe i dërguari amerikan për Ballkanin Perëndimor Gabriel Escobar, ku do të takohet me presidentin e Serbisë, Aleksandër Vuçiç dhe kryeministrin e Kosovës Albin Kurti.
Këtë e ka konfirmuar edhe zëdhënësi i BE-së, Peter Stano, i cili ka shtuar se qëllimi i vizitës është të arrihet progres konkret në zbatimin e Marrëveshjes në rrugën e normalizimit të marrëdhënieve pas ngjarjeve të fundit.
Sipas tij, BE-ja, vendet anëtare të saj dhe SHBA-ja mbeten mbështetës të fuqishëm të normalizimit të marrëdhënieve ndërmjet Beogradit dhe Prishtinës dhe të ardhmes europiane të të gjithë rajonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.