.png)
Nga Gazeta 'Si'-Bashkimi Europian ka konfirmuar se ndërmjetësi i BE-së për dialogun, Miroslav Lajçak, do të zhvillojë takime të ndara me kryeministrin e Kosovës, Albin Kurti dhe presidentin e Serbisë, Aleksandër Vuçiç, në margjinat e forumit ekonomik të Davosit, i cili nis të hënën në Zvicër.
Këtë e ka konfirmuar për RTK-në, zëdhënësi i BE-së, Peter Stano, i cili ka theksuar se takimet do të jenë të ndara derisa sipas tij nuk pritet të ndodhë ndonjë takim trepalësh.
“Nuk është planifikuar një takim i përbashkët lidhur me dialogun, si ai i nivelit të lartë apo i ngjashëm”, ka theksuar Stano.
Për herë të fundit, dy liderët janë takuar në Bruksel në shtator të vitit të kaluar në kuadër të dialogut mes Kosovës dhe Serbisë.
Forumi Ekonomik në Davos të Zvicrës do të mbahet nga data 15 janar dhe pritet të zgjasë 4 ditë ndërsa motoja e edicionit të 54-t të tij është “Rindërtimi i besimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
