Lady Gaga dhe Jennifer Lopez do të këndojnë në ceremoninë e inaugurimit të presidentit të ardhshëm të Shteteve të Bashkuara, Joe Biden.
Lady Gaga ka bërë edhe fushatë me Bidenin, duke u paraqitur me të në prag të zgjedhjeve të nëntorit të kaluar.
Ajo do të këndojë himnin kombëtar në ceremoninë e 20 janarit.
Lopez, e cila po ashtu ka mbështetur Bidenin vitin e kaluar, do të japë një tjetër performancë muzikore.
Para katër vjetësh, në ceremoninë e inaugurimit të presidentit tashmë në largim, Donald Trump, himnin kombëtar e ka kënduar Jackie Evancho.
Uashingtoni është në gjendje të jashtëzakonshme, prej ditës që mbështetësit e dhunshëm të Trumpit kanë sulmuar Kongresin e Shteteve të Bashkuara më 6 janar.
Mbi 10,000 trupa të Gardës Kombëtare do të jenë në qytet në ditën e inaugurimit të Bidenit, ndërsa 5,000 të tjera do të jenë në gjendje gatishmërie.
Ekipi i Bidenit ka thënë se ceremonia do të zhvillohet duke respektuar distancën sociale, si masë për frenimin e përhapjes së koronavirusit.
Trump nuk do të marrë pjesë në ceremoni, pasi ai i ka kontestuar rezultatet e zgjedhjeve.
Ai do të bëhet presidenti i parë që nuk merr pjesë në inaugurim qysh në vitin 1860. (REL)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
