.png)
Gazeta Si - Falë një penalltie 2 minuta para fundit të ndeshjes, Laçi ka mundur 2-1 Dinamon dhe ka ‘blinduar’ vendin e dytë në tabelën e renditjes. Kurbinasit, me 50 pikë, tashmë janë 5 pikë larg rivalëve të Kukësit. Në anën tjetër, Dinamo minimizon edhe më tepër shanset e qëndrimit në Superiore.
Laçi e nisi ndeshjen në avantazh. Pa u mbushur ende një minutë, Guindo kaloi ekipin e tij në avantazh, duke përfituar nga një hutim i mbrojtjes së Dinamos. Më pas Laçi pati edhe raste të tjera, ashtu si Dinamo, që ia doli të barazonte në pjesën e dytë me 19-vjeçarin Fejzulla.
Fundi i ndeshjes ishte i mbushur me raste për të dyja skuadrat. Në një prej tyre Laçi fitoi një penallti, që u kthye në gol nga Zarubica. Lojtarët e Dinamos e kontestuan penalltinë, por edhe momentin e gjuajtjes së saj, pasi pati futje të lojtarëve në fushë dhe topi lëvizi nga era e forte që frynte gjatë gjithë ndeshjes.
Dinamo mbetet në kuotën e 23 pikëve dhe mund të thuhet se ka rënë në Kategorinë e Parë, edhe pse jo matematikisht. Trajneri italian Rodolfo Vanoli ende nuk ka marrë asnjë rezultat pozitiv në krye të ekipit kryeqytetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
