Lirohen tre personat e arrestuar për laboratorin e kriptomonedhave Bitcoin që u zbulua në Shijak. Gjykata e Durrësit ka caktuar masën e sigurisë detyrim paraqitje për Rramush Dumanin, Liserxhio Xheferrajn dhe Ardian Çekiçin, pasi vlerësoi si të pamjaftueshme provat për t'i mbajtur në burg.
Gjatë aksionit policor të shtunën e kaluar, policia sekuestroi pajisje dhe panelet diellore në dy laboratorë për kriptomonedha.
Po ashtu, janë shpallur në kërkim edhe 4 persona të tjerë. Ata akuzohen për aktivitet të paligjshëm, pastrim parash dhe fshehje të ardhurash.
Këta persona kishin ngritur një strukturë në fshatin Pjezë, Shijak, Durrës dhe një tjetër në fshatin Fllakë, Shijak, Durrës, me aparatura me vlerë 1 milion euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.