Gjykata Kushtetuese shqyrtoi kërkesën e 28 deputetëve të PD për shfuqizimin e Bordit të Ushqimeve.
Deputeti i PD, Dashnor Sula u shpreh për mediat se qeveria ka si qëllim të mbushë arkën e shtetit dhe jo të ndihmojë qytetarët dhe konsumatorët.
Sipas tij, kjo qeveri nuk ndihmon qytetarët nga rritja e çmimeve, ndërsa politikat e saj i konsideroi si fara luledielli.
“Qeveria kërkon të mbushë arkën e shtetit, ndërkohë që në një periudhë krize paratë duhet të ndahet me qytetarët.
Kjo është logjika e thjeshtë që kjo qeveri nuk ka mbrojtur konsumatorët. Pashë një përgjegjshmëri të lartë në anëtaret e Gjykatës Kushtetuese në trajtimin e këtij problemi dhe argumentet bindëse nga përfaqësuesi ligjor Marash Logu.
Kjo është në interes të qytetarëve shqiptarë që vuajnë çdo ditë. Politikat e kësaj qeverie nuk ndihmojnë qytetarët. Nismat ligjore që ka marrë qeveria janë thërrime, fara lule dielli”, tha deputeti i PD, Dashnor Sula.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.