.png)
Gazeta Si – Vazhdon përralla Kremoneze në Kupën e Italisë. Pas Napolit, skuadra e Balardinit ka mundur edhe Romën 1-2, duke kaluar në gjysmëfinale, ku do të ndeshet me Fiorentinën. Ndeshja në ‘Olimpico’ u vendos nga golat e Desers me penallti dhe autogoli i Çelik. I kotë goli i Belotit në shtesë.
Roma nuk ka qenë kurrë kaq e shëmtuar në lojë, ndërsa futbollisti i Kombëtares shqiptare, Marash kumbulla, ka zhvilluar një 45-minutësh shumë të dobët. Pikërisht prej një gafe të tij u zhbllokua ndeshja në mesin e pjesës së parë.
Mbrojtësi kuqezi gaboi rëndë dhe sulmuesi Desers avancoi drejt zonës, ku u pengua në mënyrë të parregullt nga portieri Rui Patricio. Penalltinë e fituar e ktheu në gol po vetë. Mourinjo ndryshoi skuadrën në pjesën e dytë, duke ulur menjëherë në stol Kumbullën.
Por Roma u godit sërish nga një autogol i Çelik në minutën e 49-të. Edhe me futjen e Abraham dhe Dibala Roma nuk ndryshoi gjë dhe humbi 1-2, pasi Beloti shkurtoi në shtesë. Roma eliminohet, ndërsa Kumbulla bën paraqitjen më të keqe, që mund t’i kushtojë shumë në vazhdim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
