Gazeta Si - Sa më shumë afron finalja e Ligës së Konferencës, aq më shumë shtohen emocionet për tifozët shqiptarë. Më shumë akoma për lojtarët e dy skuadrave finalist, sin ë rastin e mbrojtësit kuqezi, Marash Kumbulla. Ai do të luajë për nëj trofe të rëndësishëm në stadiumin e vendit të tij, në Tiranë.
Kumbulla e konsideron finalen e “Air Albanias” një ëndërr të bërë realitet. Futbollisti shqiptar shpreson shu më të fitojë trofeun e parë europian në Shqipëri.
“Po ju them sinqerisht, mezi po e pres finale, - ka thënë Kumbulla për ‘Corriere dello Sport’. - Kur mësova në fillim të sezonit se finalja e Ligës së Konferencës do luhej në Tiranë, e vendosa menjëherë si një objektiv në mendjen time.
Për dikë si unë, i lindur në Itali në një familje shqiptare, u duk si shenjë fati. Për fat të mire, ëndrrat bëhen realitet. Dhe tani na takon të përfundojmë punën, duke mposhtur Fejnordin në finale. Nuk do të jetë e lehtë”.
Lojtari i Romës dhe Kombëtares shqiptare nuk i fsheh emocionet: “Sigurisht, jam i emocionuar. Ne kemi një grup unik tifozësh, të cilëve u jemi mirënjohës. Ata janë një motivim shtesë për ne.
Fatkeqësisht, jo të gjithë mund të jenë në Tiranë me ne. Stadiumi ku do të luajmë është modern, i stilit anglez, me tribuna shumë afër fushës. Është perfekt për të luajtur futboll”.
Kumbulla ka folur edhe për kryeqytetin shqiptar dhe lidhjen e shqiptarëve me Italinë: “Tirana është një qytet i mrekullueshëm. Investimet e huaja dhe shqiptare e kanë bërë realisht të rritet vitet e fundit.
Për shqiptarët kjo finale është një rast i madh dhe jam i sigurt se do na presin në mënyrë shembullore.
Shqiptarët kanë krijuar një lidhje solide me italianët, për shkak të pritjes që u kanë bërë vite më parë. Unë ndihem edhe shqiptar, edhe italian. Familja ime dhe unë jemi trajtuar jashtëzakonisht mirë që nga dita e parë.
Në do të kemi në Tiranë shumicën e tifozëve në anën tonë. Edhe kryeministri ynë është i dashuruar me Mourinhon. Ai ka postuar edhe një foto të shallit të Romës brenda stadiumit. Për mua është nder dhe përgjegjësi e madhe të përfaqësoj kombin tim në një ngjarje kaq të rëndësishme.
Shpresoj të jem gjithmonë një shembull i mirë për fëmijët e shumtë shqiptarë, të cilët kanë emigruar jashtë vendit dhe po përpiqen të krijojnë rrugën dhe karrierën e tyre.
Do të ishte mirë të luaja, do të gënjeja nëse do të thosha të kundërtën, qoftë edhe disa minuta. Vendimi i takon trajnerit dhe, nëse nuk dal në fushë, do të bëj tifo nga stoli”, - ka përfunduar Kumbulla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.