.png)
Me dhjetëra qytetarë kanë dalë ditën e sotme për të protestuar në Durrës, pas aksidentit tragjik që u mori jetën dy fëmijëve dhe la të plagosur rëndë një tjetër të mitur.
Me pankarta dhe fotografitë e fëmijëve që humbën jetën, qytetarët kanë marshuar nga Drejtoria e Policisë në drejtim të Bashkisë së Durrësit.
Ata kërkojnë më shumë siguri dhe kontrolle nga ana e Policisë në rrugët e qytetit, për të parandaluar aksidente tragjike që përditë marrin jetë qytetarësh të pafajshëm.
Protesta e tyre bëhet edhe për ndërgjegjësimin e drejtuesve të automjeteve, që të jenë më të kujdësshëm teksa qarkullojnë nëpër rrugët e qytetit.
“Dy jetë të pafajshme, kërkojmë drejtësi. Fëmijët s’duhet të humbnin jetën kështu. Kjo nuk duhet të ndodhë më kurrë. Ndal neglizhencës, shpëtoni jetë! Siguria e fëmijëve është detyrim”, shkruhet mes të tjerash në një nga pankartat që protestuesit mbajnë në Durrës.
Kujtojmë se drejtuesi i automjetit që u mori jetën 2 të miturve, Nikoll Radaçi, po e drejtonte makinën nën efektin e alkoolit në momentin e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje