.png)
“Mezi po pres që të kontrolloj të gjitha fshatrat në ekran ", thotë kryenashkiau i Messinës në Sicili, pas nxjerrjes së dhjetëra dronëve mbi qiejt e qyteteve dhe fshatrave përreth, për t’u siguruar që qytetarët mos ta thyejnë karantinën.
Italia është aktualisht është vendi më i prekur në botë nga koronavirusi me më shumë se 74,000 raste dhe 7.500 vdekje të regjistruara zyrtarisht.
Autoritetet janë përpjekur të mbajnë të mbyllur qytetarët për të parandaluar përhapjen e mëtutjeshme të sëmundjes, sidomos në Jugun e Italisë, ku njerëzit kanë qene më të paduruar.
Tani që përdorimi i droneve është aprovuar për qëllime mbikëqyrjeje, një kryetar bashkie ka ndërmarrë një fushatë të ashpër për izolimin e qytetarëve.
Në një postim në video në Facebook, Cateno De Luca shfaqi lëvizjen e tij të radhës në luftën kundër të pabindurve. Ai kishte regjistruar një mesazh audio në çdo dron me zërin e tij, duke u “ulëritur” të njerëzve që kapeshin në rrugë nga dronët.
“Ku dreqin po shkoni? Kthehuni menjëherë në shtëpi”, thotë kryebashkiaku në mesazhin e përçuar nga dronët.
Italianët janë disi të ndarë në lidhje me përdorimin e droneve, nga njëra anë ka nga ata që kanë mbrojtur prej kohësh dhe nga ana tjetër ka nga ata që i konsiderojnë një mjet më shumë për të kontrolluar qytetarët dhe për të shkelur privatësinë e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
