.png)
Gazeta Si – Futbollisti i Kombëtares shqiptare dhe Interit, Kristjan Asllani, ka marrë sot një vlerësim të rëndësishëm nga qyteti i tij i lindjes, Cërriku, që e ka shpallur atë ‘Qytetar Nderi’.
Vendimi është marrë sot nga Këshilli Bashkiak i Cërrikut, që e jep këtë titull me motivacionin ‘për rezultate dhe përformancë të shkëlqyer si futbollist profesionist në radhët e Kombëtares dhe Interit, duke u kthyer në krenarinë dhe imazhin më të mirë të promovimit të vlerave në vendlindje’.
Pritet që të organizohet një ceremoni për dhënien e këtij titulli mesfushorit kuqezi, në praninë e tij. Asllani është larguar nga Shqipëria në moshë shumë të vogël dhe është rritur në Itali, megjithatë ka lidhje të fortë me vendlindjen.
Edhe pse nuk po luan me Interin, ai është një nga futbollistët më të mirë të Kombëtares aktualisht dhe pritet të jetë një pikë referimi për trajnerin Silvinjo në kualifikueset e Europianit 2024, që nisin këtë muaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
