Gazeta Si - Një vrasje e dyfishtë ka ndodhur në një familje në fshatin Tërvol të Gramshit, në Njësinë Aimistrative Pishaj.
Policia thotë se shtetasi Xhevit Sinani, i moshës 75-vjeçare ka vrarë bashkeshorten e tij Zeqine Sinani dhe vëllanë, Shaqir Sinani.
Shkaqet e ngjarjes së rëndë janë të panjohura, ndërsa krimi dyshohet se është kryer me sende të forta. Autori i dyshuar është arrestuar nga policia, pasi ishte larguar nga vendngjarja.
Xhevit Sinani menjëherë pas krimit të rëndë ka telefonuar fëmijët, të cilët i ka informuar në lidhje me ngjarjen.
Sinani ka vrarë të shoqen në shtëpi, ndërsa vetëm disa minuta më pas, në vreshtin e rrushit, rreth një kilometër larg shtëpisë, ka goditur për vdekje dhe të vëllanë.
Forcat e policisë ndodhen në skenën e krimit dhe kanë nisur hetimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.