Për të dytën ditë me radhë, në Kosovë nuk u konfirmua asnjë rast vdekje nga koronavirusi.
Niveli i rasteve të reja po ashtu duket i stabilizuar; 46 raste me Covid-19 u shënuan gjatë 24 orëve të fundit. 62 janë personat e shëruar. Kosova iregjistroi rastet e parë të sëmundjes në 13 mars e që prej atëherë janë konfirmuar gjithsej 15,620 pozitive e 625 viktima.
Kjo qëndrueshmëri e situatës së saj këto ditë vjen në një kohë kur ne pjesë të ndryshme të botës, përfshirë Shtetet e Bashkuara dhe Europën, ritmi I infektimeve po shtohet e afrimi i stinës së ftohtë pritet të sjellë rëndim të situatës. Sipas statistikave megjithatë, vdekshmëria është ulur në përgjithësi dhe njerëzit që infektohen tani kanë shanse më të mira të mbijetojnë krahasuar me muajt e parë të pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.