.png)
Gazeta Si – Gjykata e Posaçme ka shuar masën e sigurisë “arrest në shtëpi” për ish-zëvendësministren e Brendshme, Rovena Voda.
Ish-zyrtarja ka shlyer dënimin me 10 muaj burg dhe tashmë është e lirë nga çdo akuzë.
Megjithatë, Voda do të vijojë betejën në Gjykatën e Posaçme të Apelit për pafajësi.
“Kam humbur një betejë, por lufta vazhdon për pafajsinë”, është shprehur ish-zv.ministrja e Brendshme.
Rovena Voda u dënua në shkallen e parë me 10 muaj burg pasi dyshohet se ndikoi për të punesuar një person në administraten shteterore kundrejt rryshfetit.
Nga hetimet e SPAK, doli se Voda kishte marrë 1 mijë euro, një celular dhe një arkë me peshk për të punësuar Florida Beun në ministri.
Shtetësja Majlinda Hasani, ka luajtur rolin e sekseres për të lidhur Florida Beun me ish-zv.ministren, duke shfrytëzuar edhe lidhjen shoqërore që ka pasur me të.
Ato janë përgjuar teksa flisnin për dhënien e një zarfi me 1 mijë euro Vodës dhe janë filmuar në një bar në Durrës, teksa i japin zv.ministres një aparat celular.
Lidhur me episodin e tretë, SPAK thotë se Voda ka shkuar në port me automjetin e Ministrisë së Brendshme që mbante si zyrtare e lartë dhe shoferin e saj për të marrë një arkë me peshk.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
