.png)
Rusia “ia ka dalë të përmbajë koronavirusin” deri më tani, por vendi nuk është në gjendje të “bllokojë” tërësisht kërcënimin prej tij. Kështu u shpreh Vladimir Putin duke i folur kombit dhe nënvizuar që tani është “imperativ” respektimi i rregullave të lëshuara nga autoritetet.
Për të përmbajtur epideminë, bëri me dije Putin, do të jetë “një javë bllokim” i aktiviteteve “jo thelbësore” nga 28 marsi në 5 prill. “Qëndroni në shtëpi”, tha Putin në televizion.
“Tani është ekstremisht e rëndësishme të paranadalohet kërcënimi i përhapjes së shpejtë të sëmundjes, prandaj java e ardhshme do të jetë një javë pushim dhe do të parashikohet dhënia e pagës,"shtoi ai. Dhe pastaj: “Të gjitha rekomandimet duhet të ndiqen, ne duhet të mbrojmë veten dhe ata që janë pranë nesh. Më besoni, gjëja më e sigurt për momentin është të qëndroni në shtëpi “.
Presidenti rus saktësoi se bllokimi nuk do të zbatohet për disa sektorë kryesorë të vendit, siç janë punonjësit e shëndetit, transporti, bankat dhe disa degë të administratës publike. Putini u kërkoi punëdhënësve që të mos të rritnin papunësinë dhe premtoi një paketë ndihme, veçanërisht e dedikuar për ndërmarrjet e vogla dhe të mesme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
