.png)
Dhjetë ditë pasi koronarovirusi është përhapur me shpejtësi në Kinë dhe disa vende të tjera të botës, Shqipëria ka lëshuar vetëm një udhëzim.
Ministrja e Shëndetësisë dhe Mbrojtjes Sociale Ogerta Manastriliu ka nxjerrë urdhër për marrjen e masave përgatitore që na duhen për t’u mbrojtur nga depërtimi i koronarovirusit.
Sipas urdhrit, Instituti i Shëndetit Publik, duhet të përgatisë udhëzimet e duhura për survejencën, hetimin epidemiologjik dhe menaxhimin e rasteve, duke zbatuar rekomandimet e Organizatës Botërore të Shëndetësisë. Një rol të madh do të kenë të gjitha spitalet e vendit, pasi duhet të përforcojnë survejencën e infeksioneve të rënda respiratore akute. Ndërkohë që OBSH ende nuk ka një udhëzim për masat strikte që duhet të marrë një vend.
Siç është cilësuar edhe më parë nga Instituti i Shëndetit Publik për Gazetën “Si”, Shqipëria bën pjesë tek vendet me rrezikshmëri të ulët për t’u prekur nga koronaroviorusi i ri. Ndërkohë në faqen zyrtare të Institutit të Shëndetiti Publik janë publikuar vetëm disa këshilla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
