.png)
Misioni i sportit është përçimi i mesazheve të paqes dhe të bashkimit dhe këtë po e arrin më së miri në Gadishullin Korean.
Koreja e Jugut dhe ajo e Veriut u bashkuan në një skuadër në lojërat olimpike dimërore, duke i pagëzuar këto lojëra me emrin “Olimpiket e Paqes”.
Por, afrimi mes dy vendeve nuk është ndalur me kaq. Edhe ekipet e ping-pongut “u shkrinë” në një të vetëm nën frymën e çtensionimit dhe përmirësimit të marrëdhënieve të një populli të ndarë më dysh prej dekadash.
Dy ekipet e femrave të dy vendeve që teknikisht janë ende në luftë me njëri-tjetrin, duhej të sfidonin njëri-tjetrin në çerekfinalet e botërorit të ping-pongut që po zhvillohet në Halmstad të Suedisë.
Por, në vend të kësaj, dy skuadrat vendosën që të shtrëngojnë duart me njëra-tjetrën dhe të formojnë një ekip të vetëm.
E pabesueshme dhe ndoshta për herë të parë në histori, edhe vetë organizatorët e turneut pranuan që dy ekipet të shkrihen në një të vetëm dhe të vazhdojnë garën si një komb.
“Kur informova bordin e drejtorëve për këtë zhvillim të papritur, skuadra e bashkuar mori duartrokitjet dhe brohoritjet e delegatëve që e miratuan këtë”, deklaroi Presidenti i Federatës Ndërkombëtare të Ping-Pongut, Thomas Weikert.
Tani, dy skuadrat e kualifikuara të kualifikuara si një e vetme presin të takohen në gjysmëfinale me njërën mes Japonisë dhe Ukrainës të premten.
Kjo nuk është hera e parë që dy Koretë shkrihen në një event sportiv ndërkombëtar. Në shkurt, një ekip hokei i unifikuar mori pjesë në lojërat olimpike të Pyeongchang-ut.
Marrëdhëniet mes dy Koreve janë në nivelin e tyre më të lartë prej dekadash. Javën e shkuar, Kim Jong-un zbriti për herë të parë në jug ku u takua me Presidentin koreano-jugor, Moon Jae-in. Të dy u zotuan për nënshkrimin e një marrëveshjeje që do t’i jepte fund gjendjes teknike të luftës që zgjat prej dekadash, si dhe angazhimin për një Gadishull Korean pa armë bërthamore.
What Is Universal Way To Get Prescription Drugs And Get To Know More About Health
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
