Një shëtitje e shpejtë në park, një not në pishinë, disa orë ecje. Praktikimi i rregullt i aktivitetit fizik mund të ndihmojë në luftimin e varësive ndaj alkoolit, drogës ose drogave psikotrope.
Ky është rezultati i një studim i fundit i publikuar në Plos One nga një grup specialistësh kanadezë, të cilët kanë ekzaminuar 43 studime për gjithsej mbi 3000 persona, të gjithë të varur nga substanca të ndryshme. Nga analiza rezultoi se pjesëmarrësit iu përkushtuan kryesisht vrapimit, të ndjekur në vend të dytë nga ushtrimet e rezistencës, si vrapimi, çiklizmi, noti, elipsi. Aktivitete të tjera përfshijnë tai chi, yoga, ecje, softball.
Kohëzgjatja mesatare e stërvitjes, e kryer me intensitet të moderuar, ishte rreth një orë tri herë në javë për 13 javë. Ekspertët morën në konsideratë si aspektin fizik ashtu edhe atë psikologjik, duke theksuar se aktiviteti motorik garanton përfitime në të dyja fushat.
Në veçanti, për sa i përket aspektit të parë, kapaciteti aerobik dhe muskulor, rrahjet e zemrës dhe ekuilibri janë përmirësuar, ndërsa për të dytin, përmirësime janë konstatuar në depresion dhe ankth, dy probleme që shpesh prekin abuzuesit e substancave. Përparësi të theksuara edhe në cilësinë e gjumit dhe vëmendjen ndaj shëndetit, me një ndjenjë kënaqësie dhe vetëbesim më të madh. Por masa më e rëndësishme ishte efekti i drejtpërdrejtë në përdorimin e substancave, i ekzaminuar në 21 studime. Prej tyre, tre nga katër treguan rënie të përdorimit të alkoolit dhe drogës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.