.png)
1 Maji në Shqipëri, përveç protestës së mësuesve, mblodhi në një protestë paqësore Konfederatën e sindikatave dhe Ish-minatorët bashkë me pensionistët.
Në marshimin e Konfederatës së Sindikatave, të cilët u mblodhën në rrugën e Rinasit, synohet sensibilizimi i të rinjve që të mos largohen nga vendi.
Me pankarta dhe flamuj në duar, ata i bëjnë thirrje të rinjve me mesazhin të mos braktisin atdheun.
Një nga organizuesit e protestës tha se fokusi kryesor i këtij tubimi është pikërisht krijimi i platforme kombëtare që ka në fokus shpopullimin dhe marrjen e masave të duhura që rinia të mos e shohë të ardhmen e saj jashtë vendit.
Protestuesit patën thirrje edhe për plotësimin e kuadrit ligjor për krijimin e sindikatave si një e drejtë themelore në demokraci.
“Qeveria nuk tregon aspak interes për të bashkëpunuar me sindikatat, ato nuk janë aksesor po pjesë thelbësore e demokracisë. Duhet krijuar baza ligjore e krijimit dhe funksionimit të sindikatave në vend dhe të kthehet besimi i punonjësve në këto sindikata”, tha protestuesi.
Pjesë e kërkesave të tyre ishin edhe kushte më të mira pune, paga më të larta dhe siguria në punë.
Nga ana tjetër, ish-minatorët dhe pensionistët janë mbledhur në sheshin Shkënderbej ndërsa kërkojnë më shumë kushte për ta, duke nisur nga statusi dhe pensionet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
