.png)
Kuvendi ka lajmëruar sot (e hënë) një seancë plenare në orën 17.00 ndërsa gjatë ditës do të mbahen 6 komisione parlamentar online.
Pjesë e axhendës së sotme parlamentare është edhe një vizitë
monitoruese e Komisionit për Median në ambientet e Radiotelevizionit Publik Shqiptar. Paralelisht, grupi parlamentar Bardhi-Berisha ka lajmëruar mbledhjen mes tyre në mesditë.
Pjesë e diskutimit do të jetë seanca e mbasdites dhe protesta që do të mbahet para dyerve të Kuvendit.
Flamur Noka mblodhi në fundjavë Këshillin kombëtar duke lajmëruar fillimin e protestave, ndërsa Gazment Bardhi në anën tjetër u kthye nga SHBA, pa përcjellë ende një qëndrim se si do të vendosin deputetet e drejtuar prej tij lidhur me aksionin e PD-së së Rithemelimit për rifillimin e protestave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
