Tjetër humbje turpëruese për Kombëtaren e femrave në futboll, e drejtuar këtë herë nga trajneri Armir Grima, i cili disa ditë më parë ka mbyllur problemet me drejtësinë. Ndeshja me Skocinë, e zhvilluar në stadiumin “Elbasan Arena”, ka përfunduar me rezultatin e thellë, 0-5.
Vajzat kuqezi kanë pësuar gol që në minutën e 15-të dhe më pas të dytin në minutën e 24-t. Në pjesën e dytë Skocia shënoi edhe tri herë të tjera në portën e Shqipërisë, që e nisi ndeshjen me këtë formacion: Rexhepi, Rrahmani, Bajraktari, Maliqi, Bajramaj, Morina, Krasniqi, Doci, Hila, Gjini, Franja.
Një paraqitje tejet zhgënjyese e Kombëtares së femrave në eliminatoret e Europianit 2021. Në katër ndeshje, vajzat kuqezi kanë pësuar 4 humbje të thella. Kanë shënuar vetëm 1 gol dhe kanë pësuar plot 17. Grupin e udhëheq Finlanda me 3 fitore në 3 ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.