Kombëtarja e futbollit të femrave u mund sot minimalisht në Portugali, 1-0. Ishte ndeshja e fundit eliminatore e “Euro 2022” dhe vajzat kuqezi, pavarësisht lojës së mirë, nuk mundën të merrnin rezultat pozitiv, duke e mbyllur me 6 pikë këtë fazë kualifikuese.
Skuadra u drejtua ketë herë nga trajneri Armir Grima, i cili mungoi ndaj Qipros, pasi ishte infektuar nga Covid-19. Kombëtarja jonë u ndëshkua me një gol në pjesën e dytë nga Portugalia, që ka marrë kreun e grupit me këtë fitore.
Trajneri Grima aktivizoi nga minuta e parë këtë formacion: Rexhepi, Rrahmani, Hila, Curraj, Maliqi, Elezaj, Gjini, Levenaj, Doçi, Bajramaj dhe Hamidi. Shqipëria arriti vetëm dy fitore në tetë ndeshjet e zhvilluara në grup dhe të dyja ndaj Qipros. Vendi i parafundit për vajzat kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.